உலகம் முழுவதும் யுடியூப் சேவை புதன்கிழமை தடைப்பட்டுள்ளதால் பயனர்கள் அவதியடைந்துள்ளனர்.

உலகம் முழுவதும் யுடியூப் சேவை புதன்கிழமை(பிப்.18) தடைப்பட்டுள்ளதால் அரைமணி நேரத்திற்கு மேலாக பயனர்கள் அவதிக்குள்ளாகினர்.

முகப்பு பக்கத்தை திறந்ததும் ஏதோ தவறு நடந்துள்ளது (Something Went Wrong) என திரையில் தெரிவதால் அரை மணி நேரத்திற்கு மேலாக பயனர்கள் விடியோ எதையும் பார்க்க முடியாமல் குழப்பமடைந்துள்ளனர். கடந்த 1 மணி நேரமாக(காலை 6.29 முதல்) இந்த பாதிப்பு தொடர்ந்து வருகிறது என 2,40,707 பேர் புகார் தெரிவித்திருந்தனர்.

இந்த நிலையில், பிரச்னையை ஒப்புக்கொண்டுள்ள யுடியூப் நிறுவனம், பிரச்னையை சரிசெய்து வருவதாக தெரிவித்துள்ளது.

சீரானது யுடியூப் சேவை

உலகம் முழுவதும் பல்வேறு பகுதிகளில் யுடியூப் முகப்பு பக்க சேவையில் பாதிப்பு ஏற்பட்டிருந்த நிலையில் அது சீரானது.

சேவை பாதிப்பு குறித்த செய்திகள் பரவ ஆரம்பித்த நிலையில், அரை மணி நேரத்தில் பாதிப்பு சரிசெய்யப்பட்டதாக தகவல் வெளியானது. சீரானதாக பயனர்கள் சிலர் சமூக வலைதளங்களிலும் பதிவிட்டு வருகின்றனர்.