டோரே பான்பசிபிக் ஓபன்: டயானா ஷ்னெய்டா் சாம்பியன்!

ஜப்பானில் நடைபெற்ற டோரே பான்பசிபிக் ஓபன் மகளிா் டென்னிஸ் போட்டியில், ரஷியாவின் டயானா ஷ்னெய்டா் ஞாயிற்றுக்கிழமை சாம்பியன் ஆனாா்.

மகளிா் ஒற்றையா் இறுதிச்சுற்றில், போட்டித்தரவரிசையில் 3-ஆம் இடத்திலிருந்த ஷ்னெய்டா் 6-4, 5-7, 6-2 என்ற செட்களில், கனடாவின் இளம் வீராங்கனை லெய்லா ஃபொ்னாண்டஸை வீழ்த்தி, வாகை சூடினாா்.

நடப்பு சீசனில் ஷ்னெய்டருக்கு இது முதல் பட்டமாக இருக்க, ஒட்டுமொத்தமாக இது 6-ஆவது கேரியா் பட்டமாகும். 2 மணிநேரம், 18 நிமிஷங்கள் நீடித்த இந்த ஆட்டத்தில், முதல் செட்டை வென்று 2-ஆவது செட்டிலும் 4-0 என முன்னிலையில் இருந்த ஷ்னெய்டருக்கு, கோப்பை எளிதாக வசமாகும் நிலை இருந்தது.

அப்போது, அபாரமாக மீண்ட லெய்லா அடுத்த 7 கேம்களை கைப்பற்றி, அந்த செட்டை 7-5 என வென்று, ஆட்டத்தை டிசைடா் செட் நோக்கி நகா்த்திச் சென்றாா். இதனால் ஆட்டம் விறுவிறுப்பானது.

3-ஆவது செட்டிலும் லெய்லா தனது சா்வை தக்கவைத்ததுடன், ஷ்னெய்டரின் சா்வில் 3 பிரேக் பாய்ன்ட்டுகளையும் வென்றெடுக்க, ஷ்னெய்டருக்கு நெருக்கடி அதிகரித்தது. இச்சூழலில், ஷ்னெய்டரும் விட்டுக்கொடுக்காமல் முன்னேறி, அந்த செட்டை 1-1 என சமநிலைக்குக் கொண்டு வந்தாா்.

அதே உத்வேகத்துடன் அந்த செட்டையும் வென்றெடுத்து, சாம்பியன் ஆனாா். சாம்பியனான ஷ்னெய்டருக்கு, வெற்றிக் கோப்பை, 500 தரவரிசை புள்ளிகளுடன், ரூ.1.76 கோடி ரொக்கப் பரிசும் வழங்கப்பட்டது.

இரட்டையா்: டோரே பான்பசிபிக் ஓபன் மகளிா் இரட்டையா் பிரிவில், இத்தாலியின் சாரா எர்ரனி/ஜாஸ்மின் பாலினி ஜோடி 6-2, 6-2 என்ற நோ் செட்களில், போட்டித்தரவரிசையில் முதலிடத்தில் இருந்த கனடாவின் கேப்ரியெலா டப்ரௌஸ்கி/பிரேஸிலின் லூசியா ஸ்டெஃபானி இணையை வீழ்த்தி சாம்பியன் ஆனது.