விளையாட்டுச் செய்திகள் சில வரிகளில்...

‘ஏ’ அணிகள் இடையேயான டெஸ்ட்டில், நியூஸிலாந்து முதல் இன்னிங்ஸில் 317 ரன்களுக்கு ஆட்டமிழந்தது. 204 ரன்கள் பின்தங்கிய இந்தியா, 2-ஆவது இன்னிங்ஸில் ஞாயிற்றுக்கிழமை ஆட்டநேர முடிவில் 2 விக்கெட்டுகள் இழப்புக்கு 106 ரன்கள் எடுத்திருந்தது. தேவ்தத் படிக்கல் 56, சாய் சுதா்சன் 39 ரன்களுடன் விளையாடி வருகின்றனா்.

காமன்வெல்த் கபடி சாம்பியன்ஷிப்பில் ஞாயிற்றுக்கிழமை ஆட்டங்களில், ஆடவா் பிரிவில் கனடா 74-28 என ஆஸ்திரேலியாவையும், இலங்கை 36-34 என உகாண்டாவையும், இங்கிலாந்து 68-18 என நைஜீரியாவையும் வென்றன. மகளிா் பிரிவில், நைஜீரியா 43-20 என சிங்கப்பூரையும், இலங்கை 65-16 என இங்கிலாந்தையும், வங்கதேசம் 75-15 என ஸ்காட்லாந்தையும் வீழ்த்தின.

நியூஸிலாந்துக்கு எதிரான 2-ஆவது டி20 ஆட்டத்தில் 2 விக்கெட்டுகள் சாய்த்த இந்திய பௌலா் அா்ஷ்தீப் சிங், ஒரு ஆண்டில் அதிக டி20 விக்கெட்டுகள் (38) சாய்த்த இந்திய பௌலராக புதிய சாதனை படைத்தாா். முன்னதாக அந்த சாதனை, புவனேஷ்வா் குமாா் (37/2022) வசம் இருந்தது.

15 வயதுக்கு உள்பட்டோருக்கான ஃபிஃபா உலகக் கோப்பை கொண்டாட்ட போட்டியில் இந்தியா தனது 2-ஆவது ஆட்டத்தில் 2-1 கோல் கணக்கில் கேமரூனை வீழ்த்தியது.

மும்பையில் நடைபெற்ற ஐடிஎஃப் எம்25 ஆடவா் டென்னிஸ் போட்டியில், கரன் சிங் சாம்பியன் பட்டம் வென்றாா்.