ஐசிசி தரவரிசையில் ஸ்மிருதி மந்தனா முன்னேற்றம்!

ஐசிசி ஒருநாள் போட்டிகளுக்கான தரவரிசையில் இந்திய வீராங்கனை ஸ்மிருதி மந்தனா முன்னேற்றம் கண்டுள்ளார்.

ஐசிசி ஒருநாள் மற்றும் டி20 போட்டிகளுக்கான தரவரிசை வெளியிடப்பட்டுள்ளது. ஒருநாள் போட்டிகளுக்கான பேட்டிங் தரவரிசையில் இந்திய அணியின் துணைக் கேப்டன் ஸ்மிருதி மந்தனா ஒரு இடம் முன்னேறி 3-வது இடத்துக்கு முன்னேறியுள்ளார். இந்திய மகளிரணியின் கேப்டன் ஹர்மன்பிரீத் கௌர் 9-வது இடத்தில் உள்ளார்.

இலங்கை அணியின் கேப்டன் சமாரி அத்தப்பட்டு 4-வது இடத்துக்கு சறுக்கியுள்ளார். இலங்கை அணியின் வீராங்கனைகளான நிலாஷிகா டி சில்வா, கவிஷா தில்ஹாரி மற்றும் ஹர்ஷிதா சமரவிக்கிரம தவரிசையில் முன்னேற்றம் கண்டுள்ளனர். முதல் இரண்டு இடங்களில் ஷிவர் பிரண்ட் மற்றும் லாரா வோல்வர்ட் உள்ளனர்.

டி20 போட்டிகளைப் பொறுத்தவரையில், ஸ்மிருதி மந்தனா 4-வது இடத்தில் நீடிக்கிறார். டி20 பேட்டிங் தரவரிசையில் இலங்கை அணியின் ஹர்ஷிதா சமரவிக்கிரம மற்றும் அயர்லாந்து அணியின் கேபி லிவீஸ் முன்னேற்றம் கண்டுள்ளனர். டி20 போட்டிகளில் முதல் மூன்று இடங்களில் பெத் மூனி, தஹிலா மெக்ராத் மற்றும் ஹேலி மேத்யூஸ் ஆகியோர் உள்ளனர்.