2ஆவது டெஸ்ட்: வங்கதேசத்தை வீழ்த்தி ஆஸ்திரேலியா பதிலடி

2ஆவது டெஸ்ட் கிரிக்கெட் போட்டியில் வங்கதேசத்தை வீழ்த்தி ஆஸ்திரேலியா பதிலடி கொடுத்துள்ளது.

ஆஸ்திரேலியா - வங்கதேசம் இடையேயான இரண்டாவது டெஸ்ட் போட்டி இன்று (ஆகஸ்ட் 22) தொடங்கியது. இந்தப் போட்டியில் டாஸ் வென்ற ஆஸ்திரேலிய அணி பந்துவீச்சைத் தேர்வு செய்ய, வங்கதேசம் முதலில் பேட் செய்தது. முதல் இன்னிங்ஸில் வங்கதேசம் 64 ரன்களில் ஆட்டமிழக்க அடுத்து ஆஸ்திரேலியா களமிறங்கியது.

அந்த அணி முதல் இன்னிங்ஸ்ல் 210 ரன்களுக்கு ஆல் அவுட் ஆனது. எனினும், ஆஸ்திரேலியா, முதல் இன்னிங்ஸில் வங்கதேசத்தைவிட 146 ரன்கள் முன்னிலைப் பெற்றிருந்தது. தொடர்ந்து 2ஆவது இன்னிங்ஸ் ஆடிய வங்கதேச அணி 95 ரன்களுக்கு ஆட்டமிழந்தது.

ஆஸ்திரேலிய பந்துவீச்சாளர் ஸ்டார்க்கின் வேகத்தை சமாளிக்க முடியாமல் வங்கதேச வீரர்கள் சுருண்டனர். இதன்மூலம் 2ஆவது டெஸ்ட் கிரிக்கெட் போட்டியில் ஆஸ்திரேலிய அணி இன்னிங்ஸ் மற்றும் 51 ரன்கள் வித்தியாசத்தில் வெற்றி பெற்றது. முதல் போட்டியில் வங்கதேச அணி வெற்றிபெற்ற நிலையில் 2ஆவது மற்றும் கடைசி போட்டியில் ஆஸ்திரேலியா வெற்றி பெற்றது.

இதையடுத்து ஆஸ்திரேலியா-வங்கதேசம் அணிகளுக்கு இடையேயான இரு போட்டிகள் கொண்ட டெஸ்ட் தொடர் 1-1 என்ற கணக்கில் சமன் ஆனது.