இந்தியாவுக்கு எதிரான ஒருநாள் போட்டியிலிருந்து நியூசி. வீரர் டெவான் கான்வே விலகல்!

பயிற்சியில் சக வீரர் மேட் ஹென்றியுடன் மோதி காயமடைந்த நியூசிலாந்து வீரர் டெவான் கான்வே இந்தியாவுக்கு எதிரான ஒருநாள் போட்டியிலிருந்து விலகியுள்ளார்.

நியூசிலாந்தில் சுற்றுப்பயணம் மேற்கொண்டுள்ள இந்திய அணி 5 போட்டிகள் கொண்ட டி20, 2 டெஸ்ட், 5 போட்டிகள் கொண்ட ஒருநாள் தொடரில் விளையாடுகிறது. இந்தச் சுற்றுப்பயணத்தில் இந்தியா - நியூசிலாந்து இடையேயான டி20 தொடர் நேற்றுமுன் தினத்துடன் நிறைவடைந்தது. 5 போட்டிகள் கொண்ட டி20 தொடரை இந்திய அணி 3-2 என்ற கணக்கில் கைப்பற்றியது.

இதனையடுத்து, இரு அணிகளுக்கும் இடையிலான ஒருநாள் தொடர் நாளை (நவ. 4) தொடங்குகிறது. இந்த நிலையில், நியூசிலாந்து அணியின் நட்சத்திர வீரர்களில் ஒருவரும் விக்கெட் கீப்பருமான டெவான் கான்வே காயம் காரணமாக இந்தியாவுக்கு எதிரான முதல் ஒருநாள் போட்டியில் இருந்து விலகியுள்ளார்.