ராவல்பிண்டி டெஸ்ட்: 225* ரன்கள் பார்ட்னர்ஷிப் அமைத்த தனஞ்சய டி சில்வா - குசல் மெண்டிஸ்!

ராவல்பிண்டியில் நடைபெற்று வரும் பாகிஸ்தானுக்கு எதிரான முதல் டெஸ்ட்டில் இலங்கை அணி சிறப்பாக பேட்டிங் செய்து வருகிறது.

டாஸ் வென்ற இலங்கை பந்துவீச, பாகிஸ்தான் அணி 434/9 ரன்களுக்கு டிக்ளேர் செய்தது. அடுத்து விளையாடிய இலங்கை அணி இரண்டாம் நாளில் 3 விக்கெட்டுகளை இழந்து தடுமாறியது.

மூன்றாவது நாளில் இலங்கை அணி சிறப்பாக விளையாடி ரன்களை குவித்து வருகிறது. தனஞ்சய டி சில்வா - குசல் மெண்டிஸ் இருவரும் இணைந்து 225க்கும் அதிகமான ரன்களை குவித்து விளையாடி வருகிறார்கள்.

தனஞ்சய டி சில்வா 152*, குசல் மெண்டிஸ் 109* ரன்களுடன் விளையாடி வருகிறார்கள். 94 ஓவர்களில் இலங்கை அணி 380/4 ரன்கள் குவித்து பாகிஸ்தானை விட 54 ரன்கள் மட்டுமே பின்னிலையில் இருக்கிறது.

இலங்கைக்கு எதிரான டி20 தொடரை பாகிஸ்தான் 2-1 என வென்றது. இதனைத் தொடர்ந்து இரண்டு டெஸ்ட் போட்டிகள் கொண்ட தொடரில் முதல் போட்டியில் விளையாடி வருகிறது.

உலக டெஸ்ட் சாம்பியன்ஷிப்பில் இலங்கை 7ஆவது இடத்திலும் பாகிஸ்தான் 9ஆவது இடத்திலும் இருக்கின்றன. இரு அணிகளுமே இறுதிப் போட்டிக்கு முன்னேற வாய்ப்பில்லை என்பதும் கவனிக்கத்தக்கது.