இந்தியா- இங்கிலாந்து டெஸ்ட்: முதல் இன்னிங்சில் இந்தியா 274 ரன்கள்

இங்கிலாந்து, இந்தியா அணிகளுக்கிடையிலான 5 ஆட்டங்கள் கொண்ட டெஸ்ட் தொடரின் முதல் ஆட்டம் கடந்த புதன்கிழமை எட்ஜ்பாஸ்டனில் தொடங்கியது.
இந்த ஆட்டத்தில் டாஸ் வென்ற இங்கிலாந்து பேட்டிங்கை தேர்வு செய்தது.
இதனையடுத்து களமிறங்கிய இங்கிலாந்து அணி 89.4 ஓவரில் அனைத்து விக்கெட்டுகளையும் இழந்து 287 ரன்கள் எடுத்தனர். அணியில் அதிகபட்சமாக கேப்டன் ஜோ ரூட் 80 ரன்களும், பரிஸ்டோ 70 ரன்களும், ஜென்னிங்ஸ் 42 ரன்களும் எடுத்தனர்.

இரண்டாவது நாள் இன்று  இந்திய அணி பேட்டிங் செய்யதது. இதில்  76 ஓவரில் அனைத்து விக்கெட்டுகளையும் இழந்து 274 ரன்களை இந்திய அணி எடுத்துள்ளது. அணியின் 
தொடக்க வீரர்களாக   முரளி விஜய் 20, ஷிகர் தவன் 26 ரன்களில் ஆட்டமிழந்தனர். பின்  ராகுல் 4,  விராட் கோலி  149  ரன்களையும்  ,ரஹானே 15, ஹார்திக் பாண்டியா 22,  அஸ்வின் 10, சாமி 2,  சர்மா 5 ரன்கள் என எடுத்தனர். இதனால் முதன் இன்னிங்ஸ் முடிவில் இங்கிலாந்து அணி 13 ரன்கள் முன்னிலையில் உள்ளது.