ஆர்ஜென்டீனாவை வீழ்த்தி வரலாறு படைத்தது இந்தியா (2-1)

20 வயதுக்குட்பட்டோர் காட்டிஃப் கால்பந்து போட்டியில் இந்திய அணியிடம் 20 வயதுக்குட்பட்டோர் பிரிவில் 6 முறை உலக சாம்பியனான பலம் வாய்ந்த ஆர்ஜென்டீனா அணி 2-1 என்ற கோல் கணக்கில் அதிர்ச்சித் தோல்வியடைந்தது.
ஸ்பெயினின் வலேன்சியாவில் காட்டிஃப் கால்பந்து போட்டிகள் நடந்து வருகின்றன. இந்திய இளம் வீரர்களுக்கு தேவையான ஆட்ட அனுபவத்தை வழங்கும் வகையில் பயிற்சியாளர் பிளாயிட் பிண்டோ தலைமையில் பல்வேறு அயல்நாடுகளில் சுற்றுப் பயணம் செய்து வருகிறது. 
இப்போட்டியில் முர்சியாவிடம் 2-0, மெளரிடனியாவிடம் 3-0 என்ற கோல் கணக்கில் இந்திய அணி தோல்வியடைந்தது. அதே நேரத்தில் பலம் வாய்ந்த வெனிஸþலா அணியிடம் 0-0 என டிரா கண்டது. 
இந்நிலையில் ஞாயிற்றுக்கிழமை இரவு நடைபெற்ற ஆட்டத்தில் ஆர்ஜென்டீனா அணியை 2-1 என்ற கோல் கணக்கில் இந்தியா வென்றது.
தீபக் டங்கிரி, அன்வர் ஆகியோர் சிறப்பாக ஆடி கோலடித்தனர். தவறு புரிந்ததால் ஜாதவுக்கு சிவப்பு அட்டை காண்பிக்கப்பட்டு வெளியேற்றப்பட்டதால் 10 வீரர்களுடனே இந்தியா ஆடியது. பதில் கோலடிக்க ஆர்ஜென்டீனா மேற்கொண்ட முயற்சிகளை இந்திய கோல்கீப்பர் பிரபுசுகான் கில் தடுத்தார். 
இந்த வெற்றி சிறப்பானது, இளம் கால்பந்து வீரர்களுக்கு அதிக தன்னம்பிக்கையை அளிக்கும். ஏஐஎப்எப் எடுத்து வரும் முயற்சிகளுக்கு மிகுந்த ஊக்கம் தருவதாக உள்ளது என பயிற்சியாளர் பிண்டோ கூறினார்.
இந்நிலையில் குரோஷியாவில் நடக்கவுள்ள 4 நாடுகள் போட்டிகள் இந்திய அணி அனுப்பப்பட உள்ளது என ஏஐஎப்எப் பொதுச் செயலர் குஷால் தாஸ் தெரிவித்துள்ளார்.