மலேசிய ஓபன்: 2-ஆவது சுற்றில் சாய்னா

கோலாலம்பூரில் நடைபெற்று வரும் மலேசிய ஓபன் பாட்மிண்டன் போட்டி மகளிர் ஒற்றையர் பிரிவில் 2-ஆவது சுற்றுக்கு இந்திய நட்சத்திர வீராங்கனை சாய்னா நேவால் முன்னேறி உள்ளார். 
தொடக்க சுற்று ஆட்டத்தில் சாய்னா 21-12, 21-16 என்ற செட் கணக்கில் ஹாங்காங்கின் ஐப் பியு யின்னை வீழ்த்தி இரண்டாவது சுற்றுக்கு தகுதி பெற்றார். 42 நிமிடங்களில் சாய்னா இந்த வெற்றியை பெற்றார். கடினமான பிரிவில் இடம் பெற்றுள்ள சாய்னா அடுத்த ஆட்டத்தின் ஜப்பானின் அகேன் எமகாச்சியை சந்திக்கிறார்.