ஐபிஎல் போட்டியில் சன்ரைசர்ஸ் ஹைதராபாத் அணியின் வலைப்பயிற்சிப் பந்துவீச்சாளராகத் தமிழகத்தைச் சேர்ந்த பெரியசாமி தேர்வாகியுள்ளார்.
கரோனா பாதிப்பால் நிறுத்தப்பட்ட ஐபிஎல் 2021 போட்டி, செப்டம்பா் 19-ம் தேதி ஐக்கிய அரபு அமீரகத்தில் மீண்டும் தொடங்குகிறது. துபையில் நடைபெறும் முதல் ஆட்டத்தில் நடப்பு சாம்பியன் மும்பை இந்தியன்ஸ்-சென்னை சூப்பா் கிங்ஸ் அணிகள் விளையாடவுள்ளன.
இந்நிலையில் டிஎன்பிஎல் போட்டியில் சிறப்பாகப் பந்துவீசி கவனம் ஈர்த்த பெரியசாமி, சன்ரைசர்ஸ் ஹைதராபாத் அணியின் வலைப்பயிற்சிப் பந்துவீச்சாளராகத் தேர்வாகி துபைக்குச் சென்றுள்ளார். ஹைதராபாத் அணியில் விளையாடும் தமிழக வீரரான விஜய் சங்கருடன் எடுத்துக்கொண்ட புகைப்படத்தை இன்ஸ்டகிராமில் பகிர்ந்துள்ளார் பெரியசாமி.
சேலம் மாவட்டத்தைச் சேர்ந்த 27 வயது பெரியசாமி, தமிழக அணிக்காக 9 டி20 ஆட்டங்களில் விளையாடியுள்ளார்.