ரசிகர்கள் ஏமாற்றம்: கைவிடப்பட்ட ஆஸ்திரேலியா - இங்கிலாந்து ஆட்டம்

ஆஸ்திரேலியா - இங்கிலாந்து அணிகளுக்கு இடையிலான டி20 உலகக் கோப்பை ஆட்டம் மழை காரணமாக கைவிடப்பட்டது.

நியூசிலாந்திடம் தோற்ற ஆஸ்திரேலியாவும் அயர்லாந்திடம் தோற்ற இங்கிலாந்தும் இந்த ஆட்டத்தில் வெற்றி பெற மிகவும் ஆவலாக இருந்தன. இரு அணிகளும் தலா 1 வெற்றி, 1 தோல்வி என சம அளவில் இருந்தன.

இந்நிலையில் மெல்போர்னில் நடைபெறவிருந்த ஆஸ்திரேலியா - இங்கிலாந்து ஆட்டம் மழை காரணமாகக் கைவிடப்பட்டுள்ளது. இரு பெரிய அணிகளும் விளையாடும் இந்த ஆட்டத்தை ரசிகர்கள் மிகவும் எதிர்பார்த்த நிலையில் இந்த முடிவு ஏற்பட்டுள்ளது. ஏற்கெனவே இதே மைதானத்தில் இன்று நடைபெறவிருந்த ஆப்கானிஸ்தான் - அயர்லாந்து ஆட்டம் கைவிடப்பட்ட நிலையில் மற்றொரு ஆட்டமும் மழையால் பாதிக்கப்பட்டுள்ளது. 

குரூப் 1 பிரிவில் ஆஸ்திரேலிய அணி 3 புள்ளிகளுடன் 4-ம் இடத்திலும் இங்கிலாந்து அணி அதே 3 புள்ளிகளுடன் 2-ம் இடத்திலும் உள்ளன.