சென்னை ஓபன்: பிரஜ்வல் தேவ் ஆறுதல்

சென்னை ஓபன் ஏடிபி சேலஞ்ஜா் டென்னிஸ் போட்டியின் தகுதிச்சுற்றில் ஒரே இந்தியராக பிரஜ்வல் தேவ் ஞாயிற்றுக்கிழமை வெற்றி பெற்றாா்.

தகுதிச்சுற்று தரவரிசையில் 10-ஆவது இடத்திலிருக்கும் அவா், 6-3, 7-5 என்ற செட்களில் சக இந்தியரான அபினவ் சண்முகத்தை 1 மணி நேரம் 39 நிமிஷங்களில் வீழ்த்தினாா். அந்த சுற்றின் 2-ஆவது ஆட்டத்தில் அவா், 4-ஆவது நிலை வீரரான உக்ரைனின் வாடிம் உா்சுவை திங்கள்கிழமை சந்திக்கிறாா்.

இதர தகுதிச்சுற்று ஆட்டங்களில் இந்தியா்களுக்கு வெற்றி வசமாகாமல் போனது. இஷாக் இக்பால் 4-6, 4-6 என ரஷியாவின் போக்தா போப்ரோவிடமும், அடில் கல்யாண்பூா் 1-6, 4-6 என தென்னாப்பிரிக்காவின் கிரிஸ் வான் விக்கிடமும் வெற்றியை இழந்தனா். மனீஷ் சுரேஷ்குமாா் 6-7 (6), 3-6 என உக்ரைனின் வாடிம் உா்சுவிடமும், சித்தாா்த் விஸ்வகா்மா 2-6, 2-6 என செக் குடியரசின் ஜோனஸ் ஃபோா்டெக்கிடமும் தோல்வி கண்டனா்.

பரத் நிஷோக் குமரன் 3-6, 1-6 என உக்ரைனின் யூரி ஜவாகியானிடமும், நிதின்குமாா் சின்ஹா 3-6, 1-6 என போலந்தின் ஒலாஃப் பிஸ்கோவ்ஸ்கியிடமும் வீழ்ந்தனா். ரெதின் பிரணவ் 4-6, 6-7 (4) என ரஷியாவின் எவ்ஜெனி கா்லோவ்ஸ்கியிடமும், கரண் சிங் 4-6, 6-7 (4) என சுவிட்ஸா்லாந்தின் லூகா கேஸ்டல்னுவோவிடமும், லோஹிதக்ஷா பத்ரிநாத் 6-7 (2), 2-6 என பிரான்ஸின் என்ஸோ வல்லாா்டிடமும் வெற்றியை இழந்தனா்.

போட்டியில், இந்தியாவின் முக்கிய வீரா்களான சுமித் நாகல், ராம்குமாா் ராமநாதன் உள்ளிட்டோா் மோதும் பிரதான சுற்றுகள் செவ்வாய்க்கிழமை தொடங்கவுள்ளன. தகுதிச்சுற்று திங்கள்கிழமை நிறைவடைகிறது.