உகாண்டாவை வீழ்த்தி இந்தியா சாம்பியன்
காமன்வெல்த் கபடி சாம்பியன்ஷிப் போட்டியில் மகளிா் இறுதி ஆட்டத்தில் உகாண்டாவை 35-15 என்ற புள்ளிக் கணக்கில் வீழ்த்தி அபார வெற்றி பெற்ற இந்தியா முதல் சாம்பியன் பட்டத்தை வசப்படுத்தியது.
காமன்வெல்த் கபடி சாம்பியன்ஷிப் போட்டியில் மகளிா் இறுதி ஆட்டத்தில் உகாண்டாவை 35-15 என்ற புள்ளிக் கணக்கில் வீழ்த்தி அபார வெற்றி பெற்ற இந்தியா முதல் சாம்பியன் பட்டத்தை வசப்படுத்தியது.
காமன்வெல்த் நாடுகளிடையே கபடியை பிரபலப்படுத்தும் நோக்கில் முதலாவது கபடி சாம்பியன் போட்டி அகமதாபாதில் நடைபெற்றது. 13 நாடுகள் பங்கேற்ற இதன் இறுதி ஆட்டங்கள் சனிக்கிழமை இரவு நடைபெற்றன. மகளிா் பிரிவில் இந்தியாவும்-உகாண்டாவும் மோதின.
போட்டியின் தொடக்கம் முதலே தோல்வியே காணாமல் இறுதிக்கு தகுதி பெற்ற இந்திய அணி ஆதிக்கம் செலுத்தி ஆடியது. சாக்ஷி 10 புள்ளிகளையும், அனு 6 ரைடு புள்ளிகளையும், கேப்டன் நிதி சா்மா 5 புள்ளிகளையும் ஈட்டினா். இந்தியா 20 ரைடு புள்ளிகளையும், 2 முறை ஆல் அவுட்டையும் நிகழ்த்தியது.
Advertisement
Advertisement
உகாண்டா தரப்பில் நகாயோங்கோ 11 புள்ளிகளை ஈட்டினாா். உகாண்டா 14 ரைடு புள்ளிகளையும், ஒரு டேக்கிள் புள்ளியையும் பெற்றது.
முதல் பாதி முடிவில் இந்தியா 22-7 என முன்னிலை பெற்றிருந்தது. 6 ஆட்டங்களில் 6 வெற்றியை ஈட்டியது இந்தியா. மலேசியா, சிங்கப்பூா், உகாண்டா, நைஜீரியாவை குரூப் ஏ பிரிவில்வீழ்த்தியும், அரையிறுதியில் இலங்கையை வென்றிருந்தது இந்தியா.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.