மலைப் பகுதியில் பட்டா வழங்காதது ஏன்?

மலைப் பகுதியில் குடியிருப்போருக்கு பட்டா வழங்க முடியாததற்கான காரணம் தொடர்பாக சட்டப்பேரவையில் வருவாய்த் துறை அமைச்சர் ஆர்.பி.உதயகுமார் திங்கள்கிழமை விளக்கம் அளித்தார்.
 வருவாய்த் துறை மானியக் கோரிக்கை மீதான விவாதத்தில் மார்க்சிஸ்ட் கம்யூனிஸ்ட் கட்சியின் சட்டப்பேரவை உறுப்பினர் தில்லிபாபு பேசியபோது, மலைப் பகுதியில் குடியிருப்போருக்கு பட்டா வழங்கக் கோரி 10 ஆண்டுகளுக்கு மேலாக வலியுறுத்தி வருவதாகக் கூறினார்.
 அப்போது அமைச்சர் உதயகுமார் குறுக்கிட்டுக் கூறியதாவது:
 மலையைத் காக்க வேண்டிய கடமை அரசுக்கு இருக்கிறது. அதைப் போல, மலையில் வாழ்வோரின் உயிரையும் காக்க வேண்டியுள்ளது. இதனால், அங்கு உள்ள நன்மை, தீமைகளைக் கருத்தில்கொண்டு பட்டா வழங்குவதற்கு தடையாணை உள்ளது என்றார்.