தீபாவளிக்கு மறுநாள் வெள்ளிக்கிழமையும் அரசு விடுமுறை: தமிழக அரசு

சென்னை: நவம்பர் 4ஆம் தேதி வியாழக்கிழமை தீபாவளிப் பண்டிகைக் கொண்டாடப்படவிருக்கும் நிலையில், அதற்கு மறுநாள் வெள்ளிக்கிழமையும் அரசு விடுமுறை நாளாக அறிவித்து தமிழக அரசு உத்தரவிட்டுள்ளது.

தீபாவளியன்று அரசு விடுமுறை நாளாக இருக்கும் நிலையில், வார இறுதி நாளான வெள்ளிக்கிழமையும், அரசு விடுமுறை நாளாக அறிவித்து தமிழக அரசு இன்று உத்தரவு பிறப்பித்துள்ளது.

தனியார் நிறுவனங்கள் உள்பட பல்வேறு தரப்பினரின் வேண்டுகோளை ஏற்று, தமிழக அரசு இன்று இந்த உத்தரவை வெளியிட்டுள்ளது.

அதே வேளையில், நவம்பர் 5ஆம் தேதி விடுமுறையை ஈடுசெய்யும் வகையில், நவம்பர் 20ம் தேதி சனிக்கிழமையை பணிநாளாக அறிவித்தும் உத்தரவில் தெரிவித்துள்ளது.