பெண்கள் குறித்த சிந்தனை மாற்றத்துக்கு வழிவகுப்பதாக அமையட்டும்: முதல்வர் ஸ்டாலின் வாழ்த்து

சென்னை: சர்வதேச மகளிர் நாள் 2023, பெண்கள் குறித்த சிந்தனை மாற்றத்துக்கு வழிவகுப்பதாக அமையட்டும் என முதல்வர் மு.க. ஸ்டாலின் ட்விட்டரில் வாழ்த்து தெரிவித்துள்ளார். 

சர்வதேச மகளிர் நாள் இன்று உலகம் முழுவதும் கொண்டாடப்படுகிறது. 

இந்நிலையில், முதல்வர் மு.க.ஸ்டாலின் ட்விட்டர் பக்கத்தில் வாழ்த்துகளை பதிவிட்டுள்ளார். 

அவர் பதிவிட்டுள்ள வாழ்த்து செய்தியில், பெண்கள் குறித்த சிந்தனை மாற்றத்துக்கு வழிவகுப்பதாக சர்வதேச மகளிர் நாள் 2023 அமையட்டும்!

பொருளாதாரத் தன்னிறைவு, உயர்கல்வி, உரிய வேலைவாய்ப்பு ஆகியவற்றை தமிழ்நாட்டின் ஒவ்வொரு பெண்ணுக்கும் உறுதி செய்வதே நமது திராவிட மாடல்!

பாலினச் சமத்துவமின்றி மானுடச் சமத்துவம் இல்லை! என கூறியுள்ளார்.