என்ன, ஐந்து ஆண்டுகளில் ஸ்டாலின், உதயநிதி சொத்து மதிப்புகள் குறைந்துவிட்டதா?

சென்னை: கடந்த 2021ஆம் ஆண்டைக் காட்டிலும் தமிழக முதல்வர் ஸ்டாலின் மற்றும் துணை முதல்வர் உதயநிதி ஸ்டாலினுக்குச் சொந்தமான சொத்து மதிப்புகள் குறைந்திருப்பது அவர்களது பிரமாணப் பத்திரத்தின் மூலம் தெரிய வந்துள்ளது.

அதாவது, 2026ஆம் ஆண்டு பேரவைத் தேர்தலில், மு.க. ஸ்டாலின் தாக்கல் செய்த பிரமாணப் பத்திரத்தில் தெரிவிக்கப்பட்ட விவரங்களின் அடிப்படையில் கடந்த 2021ஆம் ஆண்டைக் காட்டிலும், அவரது சொத்து மதிப்பு ரூ.7.2 கோடியிலிருந்து ரூ.6.2 கோடியாக குறைந்துள்ளது. அதுபோல, அவரது மகனும் துணை முதல்வருமான உதயநிதியின் சொத்து மதிப்பு கிட்டத்தட்ட 25 சதவிகிதம் குறைந்துள்ளது.