திருச்செந்தூர் முருகன் கோவிலில் த.வெ.க. தலைவர் விஜய் தரிசனம்!

திருச்செந்தூர் முருகன் கோயிலில் தவெக தலைவரும் நடிகருமான விஜய் இன்று(ஏப். 28) அதிகாலை சாமி தரிசனம் மேற்கொண்டார்.

நேற்றிரவு சென்னையில் இருந்து தனி விமானம் மூலம் மதுரை சென்ற விஜய் , அங்கிருந்து சாலை வழியாக இன்று அதிகாலை திருச்செந்தூர் சென்றடைந்தார். அங்கு, விஜய்க்கு தவெக தொண்டர்கள் உற்சாக வரவேற்பு அளித்தனர்.

இதனைத் தொடர்ந்து திருச்செந்தூர் சுப்பிரமணிய சுவாமியை தரிசனம் செய்தார். அங்கு அவருக்கு பூரண கும்ப மரியாதை அளிக்கப்பட்டதுடன், வெற்றி வேல் வழங்கப்பட்டது. பின்னர், கடற்கரைக்கும் சென்று வழிபாடு மேற்கொண்டார்.