புதுச்சேரி தவெக எம்எல்ஏ மீது வழக்கு!

திருபுவனை தவெக எம்எல்ஏ சாய் சரவணக்குமார் மீது வழக்குப் பதிவு செய்யப்பட்டுள்ளது.

புதுச்சேரி திருபுவனை தொழிற்பேட்டையில் இயங்கி வரும் தனியார் தொழிற்சாலைக்குள் தனது ஆதரவாளர்களுடன் ஆய்வு செய்யச் சென்ற தவெக எம்எல்ஏ சாய் சரவணக்குமாருக்கும் தொழிற்சாலை நிர்வாகத்தினருக்கும் இடையே வாக்குவாதம் ஏற்பட்டதாகக் கூறப்படுகிறது.

இந்த நிலையில் தனியார் நிறுவனத்தில் அத்துமீறி நுழைந்ததாக அளிக்கப்பட்ட புகாரின் அடிப்படையில் சாய் சரவணக்குமார் மீது போலீஸார் வழக்குப் பதிவு செய்துள்ளனர்.

கொலை மிரட்டல், அத்துமீறி நுழைதல் உள்ளிட்ட 5 பிரிவுகளின் கீழ் இந்த வழக்குப்பதிவு செய்யப்பட்டுள்ளது.