நடிகர் ரஜினியுடன் நயினார் நாகேந்திரன் சந்திப்பு!

நடிகர் ரஜினிகாந்த்தை பாஜக மாநிலத் தலைவர் நயினார் நாகேந்திரன் இன்று காலை நேரில் சந்தித்தார்.

சென்னை போயஸ் கார்டனில் உள்ள ரஜினிகாந்த் வீட்டில் அவரை நேரில் சந்தித்த நயினார் நாகேந்திரன், பிரதமர் நரேந்திர மோடியின் 12 ஆண்டுகால ஆட்சியின் முக்கிய வளர்ச்சித் திட்டங்கள் தொடர்பான புத்தகத்தை வழங்கினார்.

மேலும், தமிழ்நாட்டின் தற்போதைய அரசியல் சூழல் குறித்து நயினார் நாகேந்திரனிடம் ரஜினி ஆலோசித்ததாக தகவல்கள் தெரிவிக்கின்றன.

இந்த சந்திப்பின்போது, பாஜக தேசிய செயலாளரும் தமிழ்நாட்டுக்கான பொறுப்பாளருமான அரவிந்த் மேனன் உள்ளிட்ட பாஜக நிர்வாகிகளும் உடனிருந்தனர்.