ஹூப்ளி - ராமேசுவரம் ரயில்கள் ஜூலை வரை நீட்டிப்பு
கா்நாடக மாநிலம் ஹூப்ளி- ராமேசுவரம் இடையேயான வாராந்திர சிறப்பு விரைவு ரயில்கள் ஜூலை வரை நீட்டிக்கப்பட்டுள்ளது என தெற்கு ரயில்வே அறிவித்துள்ளது.
கா்நாடக மாநிலம் ஹூப்ளி- ராமேசுவரம் இடையேயான வாராந்திர சிறப்பு விரைவு ரயில்கள் ஜூலை வரை நீட்டிக்கப்பட்டுள்ளது என தெற்கு ரயில்வே அறிவித்துள்ளது.
இதுகுறித்து தெற்கு ரயில்வே சாா்பில் வெளியிடப்பட்ட செய்திக் குறிப்பு: ஹூப்ளி-ராமேசுவரம் இடையேயான வாராந்திர சிறப்பு விரைவு ரயில்கள் வரும் ஜூலையில் 4 வாரங்களுக்கு நீட்டிக்கப்பட்டுள்ளது. அதன்படி, ஹூப்ளியில் வரும் ஜூலை 5, 12, 19, 26 ஆகிய தேதிகளில் அதிகாலை 6.50 மணிக்குப் புறப்படும் வாராந்திர சிறப்பு ரயில் (எண்: 07355) மறுநாள்களான 6, 13, 20, 27 ஆகிய தேதிகளில் அதிகாலை 5.20 மணிக்கு ராமேசுவரம் நிலையத்தை வந்தடையும்.
மறுமாா்க்கத்தில் ராமேசுவரத்தில் இருந்து வரும் ஜூலை 6, 13, 20, 27 ஆகிய தேதிகளில் இரவு 8 மணிக்குப் புறப்படும் வாராந்திர சிறப்பு விரைவு ரயில் (எண்: 07356) மறுநாள் ஜூலை 7, 14, 21, 28 ஆகிய தேதிகளில் இரவு 7.40 மணிக்கு ஹூப்ளி நிலையத்தைச் சென்றடையும்.
Advertisement
Advertisement
அதேபோல, கொல்லம்-ஹூப்ளி இடையேயும் வரும் ஜூலை 12, 19, 26 ஆகிய தேதிகளில் சிறப்பு விரைவு ரயில் இயக்கப்படும். சிறப்பு ரயில்களுக்கான முன்பதிவு விரைவில் தொடங்கும் எனத் தெரிவிக்கப்பட்டுள்ளது.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.