வானிலை எச்சரிக்கை! அக். 23ல் உருவாகிறது புதிய காற்றழுத்த தாழ்வுப்பகுதி!

தென் கிழக்கு மற்றும் அதை ஒட்டிய கிழக்கு மத்திய வங்கக்கடல் பகுதியில் அக். 23-ஆம் தேதி புதிய காற்றழுத்த தாழ்வு பகுதி உருவாக வாய்ப்புள்ளது.

இந்த காற்றழுத்தத் தாழ்வானது தாய்லாந்து வளைகுடா பகுதி மற்றும் மியான்மரில் வளிமண்டல மேலடுக்கு சுழற்சி நிலவுகிறது. வளிமண்டல மேலடுக்கு சுழற்சி நாளை காலைக்குள் வடக்கு அந்தமான்

கடல் பகுதியில் தாக்கத்தை ஏற்படுத்தும். இதன் தாக்கத்தால் தென் கிழக்கு மற்றும் அதை ஒட்டிய கிழக்கு மத்திய வங்கக் கடலில் காற்றழுத்தத் தாழ்வுப்பகுதி உருவாகக்கூடும்.

புதிய காற்றழுத்தத் தாழ்வுப்பகுதி மேற்கு - வட மேற்காக நகர்ந்து மேலும் வலுப்பெறக் கூடும் என வானிலை ஆய்வு மையம் தெரிவித்துள்ளது.