பி.டி. அரசகுமார் மீதான குண்டர் சட்டம் ரத்து!

தனியார் பள்ளிகளுக்கு அங்கீகாரம் தருவதாக ரூ.100 கோடி மோசடி வழக்கில் பி.டி. அரசகுமார் மீதான குண்டர் தடுப்புச் சட்டம் ரத்து செய்யப்பட்டுள்ளது.

தனியார் பள்ளிகளுக்கு நிரந்தர அங்கீகாரம் பெற்றுத் தருவதாகக் கூறி ரூ. 100 கோடி அளவில் மோசடி செய்ததாக பி.டி. அரசகுமார் மீது புகார் கூறப்பட்டது.

இவ்வழக்கில் கைது செய்யப்பட்ட அவரை குண்டர் தடுப்புச் சட்டத்தின் கீழ் போலீஸார் சிறையில் அடைத்தனர்.

இந்த நிலையில் குண்டர் தடுப்புச் சட்ட உத்தரவை எதிர்த்து அரசகுமாரின் மனைவி கோகிலா சென்னை உயர்நீதிமன்றத்தில் ஆட்கொணர்வு மனு தாக்கல் செய்திருந்தார்.

இம்மனு உயர்நீதிமன்றத்தில் திங்கள்கிழமை விசாரணைக்கு வந்தது. அப்போது அரசகுமார் மீதான குண்டர் தடுப்புச் சட்டத்தை ரத்து செய்து உயர்நீதிமன்றம் உத்தரவிட்டுள்ளது.