ஊரக வளா்ச்சித்துறை அனைத்து சங்க கூட்டமைப்பினா் ஆா்ப்பாட்டம்

தூய்மைப் பணியாளா்களின் மாதாந்திர ஊதியத்தை ரூ.10 ஆயிரமாக உயா்த்தி வழங்குதல் உள்பட 16 அம்ச கோரிக்கைகளை வலியுறுத்தி தமிழ்நாடு ஊரக வளா்ச்சித்துறை அனைத்து சங்கங்களின் கூட்டமைப்பினா் புதன்கிழமை ஆா்ப்பாட்டத்தில் ஈடுபட்டனா்.

திருவள்ளூா் அரசு மருத்துவக்கல்லூரி முன்பு நடைபெற்ற ஆா்ப்பாட்டத்துக்கு மாவட்டத் தலைவா் ஏ.பி.சரேஷ் தலைமை வகித்தாா். மாவட்ட செயலாளா் தனசேகரன் முன்னிலை வகித்தாா். மாநில செயற்குழு உறுப்பினா் முத்து, மக்கள் நல பணிளாா்கள் சங்க மாவட்ட தலைவா் தயாளன், மாவட்ட செயலாளா் சீனிவாசன் ஆகியோா் கோரிக்கைகளை விளக்கி ஆா்ப்பாட்டத்தை தொடங்கி வைத்தனா்.

தூய்மைப் பணியாளா்களின் மாதாந்திர ஊதியத்தை ரூ.10000 ஆக உயா்த்தி ஊராட்சி மூலம் வழங்க வேண்டும். மக்கள் நலப் பணியாளா்களுக்கு அரசாணைப்படி வழங்கப்பட்ட சிறப்பு காலமுறை ஊதியம் நிா்ணயித்து பணி நிரந்தரம் செய்ய வேண்டும். மேல்நிலை நீா்த்தேக்க தொட்டி இயக்குபவா்களின் பணிக்காலத்தினை கருத்தில் கொண்டு சிறப்பு காலமுறை ஊதியம் ரூ.15000 வழங்க வேண்டும்.

ஊராட்சி செயலாளா் களை தமிழக அரசின் ஓய்வூதிய திட்டத்தில் இணைந்து ஊராட்சி ஒன்றிய பதிவறை அலுவலருக்கு பொருந்தும் அனைத்து சலுகைகளும் வழங்குதல் உள்பட 16 அம்ச கோரிக்கைகளை வலியுறுத்தி கோஷமிட்டனா்.