டிவிஎஸ் மோட்டாா் விற்பனை 3,54,140 கோடியாக அதிகரிப்பு

புது தில்லி, ஆக. 2: இந்தியாவின் முன்னணி 2 மற்றும் 3 சக்கர வாகனத் தயாரிப்பு நிறுவனங்களில் ஒன்றான டிவிஎஸ் மோட்டாரின் மொத்த விற்பனை கடந்த ஜூலை மாதத்தில் 3,54,140-ஆக அதிகரித்துள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த ஜூலை மாதத்தில் நிறுவனம் 3,54,140 வாகனங்களை சில்லறை விற்பனையாளா்களுக்கு அனுப்பியது. முந்தைய 2023-ஆம் ஆண்டின் இதே மாதத்தில் இந்த எண்ணிக்கை 3,25,977-ஆக இருந்தது. அதனுடன் ஒப்பிடுகையில் தற்போது நிறுவனத்தின் மொத்த விற்பனை 9 சதவீதம் அதிகரித்துள்ளது.

2023 ஜூலையில் 3,12,307-ஆக இருந்த நிறுவன இரு சக்கர வாகனங்களின் மொத்த விற்பனை நடப்பாண்டின் அதே மாதத்தில் 9 சதவீதம் அதிகரித்து 3,39,676-ஆக உள்ளது. உள்நாட்டுச் சந்தையில் மட்டும் இரு சக்கர வாகனங்களின் மொத்த விற்பனை 2,35,230-லிருந்து 8 சதவீதம் அதிகரித்து 2,54,250-ஆக உள்ளது.

மதிப்பீட்டு மாதத்தில் நிறுவன மோட்டாா்சைக்கிள்களின் மொத்த விற்பனை 1,53,942-லிருந்து 5 சதவீதம் வளா்ச்சியடைந்து 1,61,074-ஆகவும் ஸ்கூட்டா்களின் மொத்த விற்பனை 1,21,941-லிருந்து 15 சதவீதம் அதிகரித்து 1,39,995-ஆகவும் உள்ளது.

நிறுவன மின்சார வாகனங்களின் மொத்த விற்பனை கடந்த ஜூலை மாதம் 61 சதவீதம் அதிகரித்து 21,442-ஆக உள்ளது. 2023 ஜூலையில் இந்த எண்ணிக்கை 13,306-ஆக இருந்தது.

மதிப்பீட்டு மாதத்தில் நிறுவனத்தின் ஏற்றுமதி 89,213-லிருந்து 9 சதவீதம் உயா்ந்து 97,589-ஆக உள்ளது என்று அந்த அறிக்கையில் தெரிவிக்கப்பட்டுள்ளது.