தங்கம் விலை மீண்டும் ரூ.54,000-ஐ தாண்டியது!
இன்று காலை ஒரு சவரனுக்கு ரூ. 600 அதிகரிப்பு.
சென்னை: சென்னையில் ஆபரணத் தங்கத்தின் விலை வியாழக்கிழமை காலை சவரனுக்கு ரூ. 600 அதிகரித்துள்ளது.
கடந்த ஒரு வாரமாக ஒரு சவரன் தங்கம் ரூ. 54 ஆயிரத்துக்கும் குறைவாக விற்பனையாகி வந்தது. நேற்று ஒரு சவரன் ரூ. 53,800-க்கு விற்பனையானது.
இந்த நிலையில், வியாழக்கிழமை காலை ஒரு சவரன் தங்கம் ரூ. 600 அதிகரித்து ரூ. 54,400-க்கு விற்பனை செய்யப்படுகிறது. ஒரு கிராம் தங்கத்தின் விலை ரூ. 75 அதிகரித்து ரூ. 6,800-க்கு விற்பனை செய்யப்படுகிறது.
அதேபோல், வெள்ளியின் விலை கடந்த வாரம் ஒரு கிராம் ரூ. 100-ஐ கடந்து புதிய உச்சம் அடைந்தது. இந்த வாரம் தொடக்கத்தில் மீண்டும் வெள்ளியின் விலை சற்று குறைந்தது.
இந்த நிலையில், இன்று கிராமுக்கு ரூ.1.80 அதிகரித்து ரூ. 98-க்கு விற்பனையாகிறது. ஒரு கிலோ வெள்ளியின் விலை ரூ.98,000-ஆக உள்ளது.