புதுதில்லி: முன்னணி ஷூ தயாரிப்பு நிறுவனமான, பாட்டா இந்தியா லிமிடெட், டிசம்பர் 2024 உடன் முடிவடைந்த மூன்றாவது காலாண்டில், அதன் ஒருங்கிணைந்த நிகர லாபம் 1.2 சதவிகிதம் அதிகரித்து ரூ.58.7 கோடி ஆக உள்ளது.

கடந்த ஆண்டு அக்டோபர் முதல் டிசம்பர் வரையிலான காலாண்டில் ரூ.57.97 கோடியாக நிகர லாபம் இருந்தது என பாட்டா இந்தியா தனது ஒழுங்குமுறை தாக்கல் செய்த அறிக்கையில் தெரிவித்திருந்தது.

மதிப்பீட்டு காலாண்டில் அதன் வருவாய் 1.69 சதவிகிதம் உயா்ந்து ரூ.918.79 கோடியானது.

நிறுவனத்தின் வட்டி, வரிகள், தேய்மானம் மற்றும் கடனளிப்பு வரம்பு 141 அடிப்படைப் புள்ளிகள் அதிகரித்து, வரிக்குப் பிந்தைய லாபமாக ரூ.58 கோடியாக உள்ளது என்று பாட்டா இந்தியா தனது அறிக்கையில் தெரிவித்துள்ளது.

டிசம்பர் காலாண்டில் அதன் மொத்த செலவினம் ரூ.840.57 கோடியாக இருந்தது. இதர வருமானத்தையும் சேர்த்து அதன் மொத்த வருமானம் 1.54 சதவிகிதம் உயர்ந்து ரூ.928.65 கோடியாக உள்ளது.

இது குறித்து நிறுவனத்தின் எம்.டி மற்றும் தலைமை நிர்வாக அதிகாரி குஞ்சன் ஷா தெரிவிக்கையில், சந்தை சற்று மௌனமாக இருந்தபோதிலும், பாட்டா அதிக எண்ணிக்கையில் வால்யூம்களை செய்ததுள்ளது என்றார்.

பாட்டா இந்தியா லிமிடெட் பங்குகள் இன்று மும்பை பங்குச் சந்தையில் 0.39 சதவிகிதம் வரை உயர்ந்து ரூ.1,339.55 ஆக முடிவடைந்தது.

இதையும் படிக்க: 26% உயர்ந்த ஆக்ஷன் கன்ஸ்ட்ரக்ஷன் எக்யூப்மென்ட் லாபம்!