எம்ஆர்எஃப் Q2 லாபம் 23% சரிவு!

புதுதில்லி: டயர் தயாரிப்பு நிறுவனமான எம்ஆர்எஃப் லிமிடெட், இரட்டை இலக்க வருவாய் வளர்ச்சியைப் பதிவு செய்தபோதிலும், அதிகரித்த மூலப்பொருட்களின் விலையால் அதன் செயல்பாடு திறன் பாதித்ததால், 2வது காலாண்டில் அதன் நிகர லாபம் 22.8% சரிந்து ரூ. 417.19 கோடியாக இருப்பதாக இன்று அறிவித்தது.

சென்னையைத் தலைமையிடமாகக் கொண்ட இந்த நிறுவனம், கடந்த ஆண்டு அதன் ஒருங்கிணைந்த நிகர லாபம் ரூ. 540.13 கோடியாக இருப்பதாக தெரிவித்தது. அதே வேளையில், கடந்த ஆண்டு இதே காலாகட்டத்தில் ரூ. 7,378.72 கோடியாக இருந்த அதன் செயல்பாட்டு வருவாய் 17.4 சதவீதம் அதிகரித்து ரூ. 8,660.19 கோடியாக இருப்பதாக தெரிவித்தது.

கடந்த ஆண்டு ரூ. 6,788.55 கோடியாக இருந்த அதன் மொத்த செலவுகள், செப்டம்பர் காலாண்டில் 21.8 சதவீதம் அதிகரித்து ரூ. 8,269.77 கோடியானது. மூலப்பொருட்களின் விலை ரூ. 4,577.49 கோடியிலிருந்து ரூ. 6,552.57 கோடியாக உயர்ந்துள்ளது.

இதற்கிடையில், நிறுவனத்தின் இயக்குநர்கள் குழு பங்கு ஒன்றுக்கு ரூ. 3 இடைக்கால ஈவுத்தொகையையும், அதற்குப் பிறகு ஈவுத்தொகையை வழங்குவதற்கான பதிவுத் தேதியாக நவம்பர் 17 ஐ நிர்ணயித்துள்ளது.