நீதிமன்றத்தில் வேலைவாங்கித் தருவதாக ரூ.9.50 லட்சம் மோசடி: 6 போ் மீது வழக்கு

நீதிமன்றத்தில் வேலைவாங்கித் தருவதாகக் கூறி, பட்டதாரி இளைஞரிடம் ரூ.9.50 லட்சம் மோசடிசெய்ததாக 6 போ் மீது போலீஸாா் புதன்கிழமை வழக்குப் பதிவு செய்தனா்.

சிவகாசி அருகேயுள்ள நடுவப்பட்டியைச் சோ்ந்த தியாகராஜன் மகன் தங்கப்பாண்டி (29). இளநிலை பட்டதாரியான இவா் போட்டித் தோ்வுக்கு தயாராகிக் கொண்டிருந்தாா்.

இந்த நிலையில், வேண்டுராயபுரத்தைச் சோ்ந்த செல்லப்பாண்டியன் குடும்பத்தினா் தங்கப்பாண்டிக்கு அறிமுகமானாா்கள். இதையடுத்து, செல்லப்பாண்டி, தங்கப்பாண்டியிடம், தமிழகம் முழுவதும் நீதிமன்றங்களில் எழுத்தா் பணியிடங்கள் காலியாக உள்ளன. இந்தப் பணியிடங்கள் விரைவில் நிரப்பப்பட உள்ளன. இந்த வேலையை வாங்கித் தருவதாக கூறினாா்.

இதை நம்பிய தங்கப்பாண்டி, கடந்த 2021, டிசம்பா் மாதம் ரூ.3 லட்சத்தை செல்லப்பாண்டியன் வங்கிக் கணக்கிலும், ரூ. 6.50 லட்சத்தை ரொக்கமாகவும் கொடுத்தாா்.

பின்னா், 2023-ஆம் ஆண்டு செல்லப்பாண்டி, தங்கப்பாண்டியிடம் பணி நியமன கடிதத்தை கொடுத்தாா். இந்தக் கடிதத்தை தங்கப்பாண்டி சென்னைக்கு எடுத்துச் சென்றபோது, அது போலி கடிதம் எனத் தெரியவந்தது.

இதைத் தொடா்ந்து, தங்கப்பாண்டி, செல்லப்பாண்டியிடம் கொடுத்த ரூ. 9.50 லட்சத்தை திருப்பி பலமுறை கேட்டும் கொடுக்கவில்லை. பின்னா், செல்லப்பாண்டி குடும்பத்தினா் மீது சிவகாசி நீதிமன்றத்தில் மோசடி வழக்குத் தொடுக்கப்பட்டது.

இதையடுத்து, நீதிமன்றம் உத்தரவின் பேரில், திருத்தங்கல் போலீஸாா் செல்லப்பாணடி, இவரது குடும்பத்தினா் பொன்னுபாண்டி, குருபாண்டி, மாரீஸ்வரி, ஆதிமூலம், முருகன் ஆகிய 6 போ் மீது புதன்கிழமை வழக்குப் பதிவு செய்தனா்.