போக்சோ சட்டத்தின் கீழ் கல்லூரி மாணவா் கைது

ராஜபாளையத்தைச் சோ்ந்த கல்லூரி மாணவரை சிவகாசி அனைத்து மகளிா் காவல் நிலைய போலீஸாா் ஞாயிற்றுக்கிழமை போக்சோ சட்டத்தின் கீழ் கைது செய்தனா்.

சிவகாசியைச் சோ்ந்த சிறுமி ராஜபாளையத்தில் தனியாா் பள்ளியில் படித்துக் கொண்டிருந்தபோது, இன்ஸ்டாகிராம் மூலம் ராஜபாளையம் அம்பேத்கா்நகா் ஆறுமுகக்கடவுள் மகன் கல்லூரி மணவா் சந்த்ருவுக்கு (18) பழக்கமாகி இருவரும் காதலித்து வந்தனராம்.

இதையடுத்து, இருவரும் தனிமையில் சந்தித்துக் கொண்டனா். பிறகு அந்த சிறுமி பள்ளிக்கு செல்லாமல் வீட்டில் இருந்து வந்த நிலையில் உடல் நலமின்றி சிவகாசியில் உள்ள தனியாா் மருத்துவமனைக்கு அழைத்துச் செல்லப்பட்டாா். அங்கு பரிசோதனை செய்தபோது, சிறுமி 3 மாத கா்ப்பமாக இருப்பது தெரியவந்தது.

இதுகுறித்த புகாரின் பேரில் சிவகாசி அனைத்து மகளிா் காவல் நிலைய போலீஸாா் போக்சோ சட்டத்தின் கீழ் வழக்குப் பதிந்து சந்துருவை கைது செய்தனா்.