காட்சி இயற்கையாக இருக்க...!

"பாசமலர்' படத்தில் கடைசியில் சிவாஜி கணேசன் இறந்துவிடுவார். அவர் இறக்கும் காட்சி படமாக்கப்படுவதற்கு முதல் நாள் இரவு பூராவும் அவர் தன் வீட்டுத் தோட்டத்தில் நடந்து கொண்டேயிருந்தார். சிவாஜியின் மனைவி வேலைக்காரனிடம், ""அவரை உள்ளே வந்து படுக்கச் சொல்லு. இப்படி இரவு நேரத்தில் எதற்காக நடந்து கொண்டே இருக்கிறார் இந்த மனுஷன்?'' என்று கேட்டார். வேலைக்காரன் அதைப்போய் நடிகரிடம் சொன்னபோது அவர் கூறினார்,""நாளைக்கு நான் இறக்கும் காட்சி படமாகப் போகிறது. இன்று இரவு நான் தூங்காமல் விழித்துக் கொண்டிருந்தால்தான் நாளைக்கு இறக்கும் காட்சியில் என் முகம் மிக களைப்பாக இறந்தது போலவே இருக்கும் என்று போய்ச் சொல்லு'' என்றார் நடிகர் திலகம்.