தேவையான பொருள்கள்:

முள்ளங்கி - 3

மிளகாய் தூள் - 1 தேக்கரண்டி

மஞ்சள் தூள் - அரை தேக்கரண்டி

வெங்காயம் - 2

தக்காளி - 2

இஞ்சி - 1 துண்டு

பூண்டு - 6 பல்

மிளகு - அரை தேக்கரண்டி

கறிவேப்பிலை, எண்ணெய், உப்பு - தேவையான அளவு

செய்முறை:

மிளகை வெறும் வாணலியில் வறுக்கவும். அத்துடன் பாதி வெங்காயம், கறிவேப்பிலை, இஞ்சி, பூண்டு சேர்த்து மிக்ஸியில் அரைக்கவும். வாணலியில் எண்ணெய் விட்டு, மீதி வெங்காயம், தக்காளி சேர்த்து நன்கு வதக்கவும்.

தோல் நீக்கி, நறுக்கிய முள்ளங்கியை சேர்க்கவும். மிளகாய் தூள், மஞ்சள் தூள், உப்பு சேர்த்து நன்கு வேக விடவும். பிறகு அரைத்த விழுது சேர்த்து நன்கு கொதிக்கவிட்டு, கறிவேப்பிலை தூவி இறக்கவும்.