பொன்மொழிகள்!

உன்னை ஒருவன் அளவின்றிப் புகழ்கிறானா?.... அவன் உன்னை ஏற்கெனவே ஏமாற்றி விட்டான்.... அல்லது....ஏமாற்ற விரும்புகிறான். 
 -  ஹங்கேரி.

உனது நம்பிக்கை உறுதியாக இருக்கிறதா? அப்படியானால் உனது பிரார்த்தனை நீண்டதாக இருக்க வேண்டியதில்லை.  
-  அமெரிக்கா

பெரும் புகழுடன் இறந்தவன் ஒருபோதும் இறந்தவனாகவே கருதப்பட மாட்டான்.  -  அரேபியா

எவனொருவன் புகழை வெறுக்கிறானோ அவனுக்கு உண்மையான புகழ் தானாக வந்து சேரும்.  
-  அல்பேனியா

தங்கத்திற்கு இறக்கைகள் உள்ளன. உன்னை அது எங்கு வேண்டுமானாலும் தூக்கிச் செல்லும். தெய்வீக உலகத்தைத் தவிர.  
-  ஆப்கனிஸ்தான்

உன்னைப் புண்படுத்துவது என்பதை நன்றாகத் தெரிந்து கொள்.அப்போதுதான் பிறரைப் புண்படுத்துவது எது என்பது உனக்குத் தெரியும்!  
- ஆப்பிரிக்கா

பூமியில் குடிசை கட்டுவதற்கு சக்தியற்றவர்கள் ஆகாயத்தில் அநேக அரண்மனைகளைக் கட்டிக் கொண்டிருக்கின்றனர்.  
-  வேல்ஸ்

அகம்பாவம் ஒரு பொல்லாத குதிரை! அது தன் எஜமானனை ஒரு முறையாவது கீழே தள்ளாமல் விடாது! 
- ஸ்காட்லாந்து

கரங்கள் சுத்தமாக இருக்கின்றனவா என்பதைக் கடவுள் பார்க்கிறார். நிறைந்து இருக்கின்றனவா என்பதை அல்ல.  
-  இங்கிலாந்து