மனித தெய்வம்!

பாடம் சொல்லித் தருவார்
படிக்கச் சொல்லிக் கேட்பார்!
தேடும் அறிவைப் பெருக்கித் 
திறனை வளரச் செய்வார்!

கல்விச் சேவை செய்து 
காக்கும் மனித தெய்வம்!
உள்ள இருளைப் போக்கி
ஒளிர வைக்கும் நெஞ்சம்!

நல்ல வழிகள் காட்டி
நடக்கச் செய்து மகிழ்வார்!
வல்ல பாதை தன்னில் 
வாகை சூட்டி நெகிழ்வார்!

மனத்தில் நேர்மை ஒழுக்கம் 
மலரச் செய்து பார்ப்பார்!
குணத்தில் மேலோன் ஆக்கும்
கொள்கை தன்னை ஆர்ப்பார்! 

 மதிப்பை உயரச் செய்வார்!- அவரைத்
துதித்துப் போற்றி வாழ்வோம்!- அவர் 
வழியில் நாமும் செல்வோம் 
வாழ்வில் வெற்றி கொள்வோம்!