ராணுவ வாகனம் மோதியதில் தையலர் சாவு

மோட்டார் சைக்கிள் மீது ராணுவ வாகனம் மோதியதில் தையலர்
உயிரிழந்தார்.
மத்திரபிரதேச மாநிலத்தைச் சேர்ந்தவர் லால்சந்த் (50). தையலரான இவர் பெங்களூரில் தங்கி பணியாற்றி வந்தாராம். திங்கள்கிழமை இரவு லால்சந்த் பணிமுடிந்து மோட்டார் சைக்கிளில் வீட்டிற்கு திரும்பிக் கொண்டிருந்தாராம். ஹெப்பாள் கெம்பாபுரா ராணுவ முகாம் அருகே, ராணுவ வாகனம் மோட்டார் சைக்கிள் மீது மோதியுள்ளது. இதில் படுகாயமடைந்த லால்சந்த், நிகழ்விடத்திலேயே உயிரிழந்துள்ளார். இதுகுறித்து வழக்கு பதிந்த ஹெப்பாள் போக்குவரத்து போலீஸார் விசாரணை மேற்கொண்டு வருகின்றனர்.