சட்டப்பேரவைத் தேர்தல்: ஜெயநகர் தொகுதியில் 144 தடை உத்தரவு

ஜெயநகர் சட்டப்பேரவைத் தொகுதியில் ஜூன் 11-ஆம் தேதி தேர்தல் நடைபெறுவதையொட்டி அத்தொகுதியில் 144 தடை உத்தரவு பிறப்பிக்கப்பட்டுள்ளது.
இதுகுறித்து மாநகரக் காவல் ஆணையர் சுனில்குமார் வெளியிட்ட செய்திக் குறிப்பு:
 பெங்களூரு ஜெயநகர் தொகுதியில் ஜூன் 11-ஆம் தேதி சட்டப்பேரவைத் தேர்தல் நடைபெற உள்ளது. தேர்தலையொட்டி, அத்தொகுதியில் ஜூன் 9-ஆம் தேதி மாலை 6 மணி முதல் 12-ஆம் மாலை 6 மணிவரை 144 தடை உத்தரவு பிறப்பிக்கப்பட்டுள்ளது. தடை உத்தரவின் போது மையங்களைச் சுற்றி 5 பேருக்கு மேல் இணைந்து செல்வதோ, பொதுக்கூட்டம், போராட்டம், ஊர்வலம், தர்னா நடத்துவதோ கூடாது. மேலும் ஆயுதங்கள், வெடிபொருள்கள் கொண்டு செல்லவும் தடை விதிக்கப்பட்டுள்ளது. தடை உத்தரவை மீறினால் கடும் நடவடிக்கை எடுக்கப்படும் என அதில் தெரிவிக்கப்பட்டுள்ளது.