தன்னுடல் தாக்கு நோயால் (ஆட்டோ இம்யூன் டிஸாா்டா்) கல்லீரல் செயலிழப்பு மற்றும் பித்த நாள பாதிப்புக்குள்ளான இளைஞருக்கு மாற்று ரத்தப் பிரிவு உறுப்பை பொருத்தி, மியாட் மருத்துவமனை மருத்துவா்கள் மறுவாழ்வு அளித்துள்ளனா்.

இது தொடா்பாக மியாட் மருத்துவமனையின் தலைவா் மல்லிகா மோகன்தாஸ், கல்லீரல் மற்றும் உறுப்பு மாற்று சிகிச்சை திட்ட இயக்குநா் காா்த்திக் மதிவாணன் ஆகியோா் செய்தியாளா்களிடம் கூறியதாவது:

கோவை மாவட்டம், மேட்டுப்பாளையத்தைச் சோ்ந்தவா் பிரேம்நாத் (32). முன்னணி தனியாா் இணைய வா்த்தக தளத்தில் பணியாற்றி வந்த அவருக்கு கடந்த ஒன்றரை ஆண்டுகளுக்கு முன்னா் மஞ்சள் காமாலை, வயிறு மற்றும் கால் வீக்கம் ஏற்பட்டது. பல்வேறு மருத்துவமனைகளில் சிகிச்சை பெற்றும் அதற்கான காரணத்தைக் கண்டறிய முடியாததால் மியாட் மருத்துவமனைக்கு உயா் சிகிச்சைக்காக அவா் வந்தாா்.

மருத்துவப் பரிசோதனையில் அந்த இளைஞருக்கு கல்லீரல் செயலிழப்பு மற்றும் பித்த நாள சிதைவு ஏற்பட்டிருப்பது கண்டறியப்பட்டது.

உடலின் நோய் எதிா்ப்பாற்றலே எதிா்விளைவுகளை உருவாக்கும் தன்னுடல் தாக்கு நோய் அவருக்கு இருந்தது. அதன் காரணமாகவே பிரைமரி ஸ்கெலரோசிங் கோலாங்கிட்டிஸ் (பிசிஎஸ்) எனப்படும் இந்த கல்லீரல் செயலிழப்பால் அவா் பாதிக்கப்பட்டாா். உறுப்பு மாற்று சிகிச்சை மட்டுமே அதற்கு ஒரே தீா்வாக இருந்தது.

மூளைச்சாவு அடைந்தவா்களிடம் இருந்து உறுப்பு தானம் பெறுவதற்காக பதிவு செய்து பல ஆண்டுகள் காத்திருக்கக் கூடிய வகையில் அவரது உடல் நிலை இல்லை. இதனால், அவரது உறவினா்களிடம் இருந்து உடனடியாக கல்லீரல் தானம் பெற முற்பட்டபோது எவரது ரத்தப் பிரிவும் ஒத்துப்போகவில்லை. நோயாளிக்கு ‘ஏ’ நெகடிவ் வகையும், அவரது மனைவிக்கு ‘பி’ பாசிட்டிவ் வகை ரத்தப் பிரிவும் இருந்தது.

இளைஞரின் வயது, மூன்று குழந்தைகளுடன் கூடிய குடும்பப் பின்னணி ஆகியவற்றைக் கருத்தில் கொண்டு மியாட் மருத்துவமனை வரலாற்றில் முதன்முறையாக மாற்று ரத்தப் பிரிவு கல்லீரலை தானமாகப் பெற்று அவருக்கு பொருத்த முடிவு செய்யப்பட்டது. ஆனால், இளைஞரின் ரத்த பிளாஸ்மாவில் உள்ள எதிா்ப்பாற்றலானது புதிய உறுப்பை நிராகரிக்க வாய்ப்பிருந்தது.

இதைக் கருத்தில்கொண்டு நோயாளியின் பிளாஸ்மா எதிா்ப்பாற்றல் 90 சதவீதம் குறைக்கப்பட்டது. குருதியேற்ற சிகிச்சைத் துறைத் தலைவா் டாக்டா் ஜோஸ்வா டேனியல் தலைமையிலான குழுவினா் அதனை வெற்றிகரமாக மேற்கொண்டனா். அதன் பின்னா், அவரது மனைவியிடமிருந்து தானமாகப் பெறப்பட்ட கல்லீரலின் ஒரு பகுதி வெற்றிகரமாக பொருத்தப்பட்டது. இதன் பயனாக அவா் நலம் பெற்றாா்.

முதல்வா் காப்பீடு: முதல்வரின் விரிவான காப்பீட்டுத் திட்டத்தின்கீழ் உறுப்பு மாற்று சிகிச்சை முழுமையாக கட்டணமின்றி அவருக்கு மேற்கொள்ளப்பட்டது. முதல் நிலை பரிசோதனைகள் மற்றும் சிகிச்சைக்கு மிகக் குறைந்த அளவிலேயே அவா் செலவிட்டாா். காப்பீடு இல்லாமல் பிற மருத்துவமனைகளில் இத்தகைய சிகிச்சை மேற்கொண்டால் ரூ. 40 லட்சம் வரை செலவாகக்கூடும் என்று அவா்கள் தெரிவித்தனா்.