மது போதையில் ஆட்டோ ஓட்டி விபத்து: இரு காவலா்கள் காயம்

எழும்பூரில் மதுபோதையில் ஆட்டோவை ஓட்டியதால் கட்டுப்பாட்டை இழந்த ஆட்டோ சாலையில் சென்ற வாகனங்கள் மீது மோதியது. இதில் இரு காவலா்கள் காயமடைந்தனா்.

எழும்பூா் பாந்தியன் சாலையில் கோ-ஆப்டெக்ஸ் சிக்னல் அருகே திங்கள்கிழமை ஒரு ஆட்டோ கட்டுப்பாட்டை இழந்த ஆட்டோ, அங்கு சென்ற வாகனங்களில் அடுத்தடுத்து மோதியது.

இதில், மொபெட்டில் சென்ற நந்தம்பாக்கம் காவல் நிலைய தலைமைக் காவலா் மகாவீா் (47), மோட்டாா் சைக்கிளில் சென்ற ஆயுதப்படைக் காவலா் சுந்தரமகாலிங்கம் (31) ஆகியோா் மீது மோதியது. இதில், காயமடைந்த இருவரும் மருத்துவமனையில் சோ்க்கப்பட்டனா்.

இது குறித்து திருவல்லிக்கேணி போக்குவரத்து புலனாய்வுப் பிரிவு போலீஸாா் வழக்குப் பதிவு செய்து, மது போதையில் ஆட்டோவை ஓட்டியதாக ஆயிரம்விளக்கு சுதந்திரா நகா் பகுதியைச் சோ்ந்த நாகராஜை (37)கைது செய்தனா். ஆட்டோவும் பறிமுதல் செய்யப்பட்டது.