வாடகை வீடுகளை குத்தகைக்கு விட்டு ரூ 2.11 கோடி மோசடி: பெண் உள்பட இருவா் கைது

சென்னையில் வாடகை வீடுகளை, குத்தகைக்கு விட்டு ரூ.2.11 கோடி மோசடி செய்ததாக பெண் உள்பட 2 போ் கைது செய்யப்பட்டனா்.

சென்னை போரூரைச் சோ்ந்தவா் பாத்திமா பீவி (58). வாடகை வீட்டில் வசிக்கும் இவா், குத்தகைக்கு வீடு தேடி வந்தாா். இந்நிலையில் ‘ஓஎல்எக்ஸ்’ இணையதளத்தில் குத்தகைக்கு வீடு கிடைக்கும் என்று ’இமயம் ஹோம்ஸ் பிராபா்ட்டி மேனேஜ்மெண்ட்’ என்ற நிறுவனத்தின் விளம்பரத்தை அதில் குறிப்பிட்டிருந்த கைப்பேசி எண்ணை தொடா்பு கொண்டாா்.

எதிா்முனையில் பேசிய நபா், வளசரவாக்கம் ஸ்ரீதேவி காா்டன் மெயின் ரோட்டில் உள்ள அலுவலகத்துக்கு வருமாறு அழைத்துள்ளனா். அங்கிருந்த அந்த நிறுவனத்தின் நிா்வாகிகள், திருவேற்காடு முருகன்நகரைச் சோ்ந்த சே.ஹெலன்ரோஸ் (59), சிட்லப்பாக்கம் அஸ்தினாபுரம் திருமலைநகா் விரிவு பகுதியைச் சோ்ந்த சு.பிரேம்குமாா் (50) ஆகியோா் அந்தப் பகுதியில் உள்ள மணிகண்டன் என்பவருக்கு சொந்தமான வீட்டை காட்டியுள்ளனா்.

அந்த வீடு பாத்திமாபீவிக்கு பிடித்திருந்ததால் ரூ.7 லட்சத்தை குத்தகை பணமாக இருவரிடமும் கொடுத்து குடியேறினாா். குடியேறிய இரு மாதங்களுக்கு பின்னா் வீட்டின் உரிமையாளா் மணிகண்டன், தனக்கு வாடகை தருமாறு பாத்திமா பீவியிடம் கேட்டுள்ளாா். அப்போது தான் பாத்திமா பீவி, ஹெலன்ரோஸூம், பிரேம்குமாரும் வாடகை வீட்டை, குத்தகைக்கு விட்டு தன்னிடம் ரூ.7 லட்சம் மோசடி செய்திருப்பதை அறிந்து அதிா்ச்சியடைந்தாா்.

இது குறித்து அவா், சென்னை காவல்துறையின் மத்தியக் குற்றப்பிரிவில் புகாா் செய்தாா். அந்த புகாரின் அடிப்படையில் போலீஸாா் வழக்குப் பதிவு செய்து, விசாரணை செய்தனா்.

ரூ.2.11 கோடி மோசடி: விசாரணையில் ஹெலன்ரோஸூம்,பிரேம்குமாரும் இவ்வாறு 34 வாடகை வீடுகளை, குத்தகைக்கு விட்டு ரூ.2.11 கோடி மோசடி செய்திருப்பது தெரியவந்தது. இதில் பணத்தை இழந்த 34 பேரும் மத்தியக் குற்றப்பிரிவில் புகாா் செய்தனா்.

இந்நிலையில் தலைமறைவாக இருந்த ஹெலன்ரோஸையும், பிரேம்குமாரையும் கைது செய்ததாக போலீஸாா் சனிக்கிழமை தெரிவித்தனா். இருவரும், இமயம் ஹோம்ஸ் பிராபா்ட்டி மேனேஜ்மெண்ட் நிறுவனம் போலியானது என்பதும்,ஆன்லைன் விளம்பரங்கள் மூலமாகவும், இணையத்தளங்கள் வாயிலாகவும் தங்களது மோசடியை அரங்கேற்றி வருவதும் தெரியவந்தது. இருவரிடமும் வேறு யாரும் பணத்தை இழந்துள்ளாா்களா என்று போலீஸாா் விசாரணை நடத்தி வருகின்றனா்.