சமையல் எரிவாயு உருளைகள் திருடியவா் கைது

காஞ்சிபுரம் மாவட்டத்தில் உள்ள அங்கன்வாடிகள், தொடக்கப்பள்ளிகளில் சமையல் எரிவாயு உருளைகளை திருடியவரை காவல் துறையினா் செவ்வாய்க்கிழமை கைது செய்து 25 எரியாவு உருளைகளையும் பறிமுதல் செய்துள்ளனா்.

காஞ்சிபுரம் வைகுண்ட பெருமாள் கோயில் தெருவில் உள்ள அங்கன்வாடியில் கடந்த 10- ஆம் தேதி இரு சமையல் எரிவாயு உருளைகளை அடையாளம் தெரியாத நபா் திருடிச் சென்ாக சிவகாஞ்சி காவல் நிலையத்தில் புகாா் பெறப்பட்டிருந்தது.

அப்புகாரின் பேரில் சிவகாஞ்சி ஆய்வாளா் ஜோ.சுரேஷ் மேற்பாா்வையில் ஒரு குழுவினா் அப்பகுதியிலிருந்த கண்காணிப்பு கேமராக்களை ஆய்வு செய்தனா். ஆய்வின் போது காஞ்சிபுரம் மாவட்டம் மூலப்பட்டு கிராமம் பிள்ளையாா் கோயில் தெருவைச் சோ்ந்த தேவராஜ் மகன் காளிதாஸ் (40) என்பவா் குற்றச் செயலில் ஈடுபட்டிருந்தது தெரிய வந்தது.

இவரை காவல் துறையினா் தேடி வந்த நிலையில் காஞ்சிபுரம் பேருந்து நிலையம் அருகே சமையல் எரிவாயு உருளை ஒன்றை தூக்கிக் கொண்டு ஓருவா் சென்று கொண்டிருந்தாா். அவரை காவல் துறையினா் விசாரணை செய்தபோது அவரே காளிதாஸ் என்பதும் அது திருடப்பட்ட எரிவாயு உருளை என்பதும் அவா் பல அங்கன்வாடி மையங்கள் மற்றும் தொடக்கப்பள்ளிகளில் சமையலறைகளில் இருந்தவற்றை திருடியிருப்பதும் தெரியவந்தது.

இதன்படி அவரிடமிருந்த 25 சமையல் எரிவாயு உருளைகளும் காவல்துறையினரால் பறிமுதல் செய்யப்பட்டுள்ளனது. கைது செய்யப்பட்ட காளிதாஸ் நீதிமன்றத்தில் ஆஜா்படுத்தப்பட்டு சிறையில் அடைக்கப்பட்டாா்.

இச்சம்பவத்தில் திறமையாக செயல்பட்ட சிவகாஞ்சி காவல் நிலைய ஆய்வாளா் ஜோ.சுரேஷ் குழுவினரை காஞ்சிபுரம் எஸ்.பி எஸ்.அரவிந்தும் பாராட்டினாா்.