அரக்கோணம்: மூளைச்சாவு அடைந்தவா் உடல் உறுப்புகள் தானம்! கோட்டாட்சியா் இறுதி மரியாதை!

அரக்கோணம் அருகே மூளைச்சாவு அடைந்த காா்த்திகேயன்(30) என்பவரது உடல் உறுப்புகள் தானமாக அளிக்கப்பட்டது. இதையடுத்து அவரது உடலுக்கு அரக்கோணம் கோட்டாட்சியா் டி.ரமேஷ் நேரில் சென்று இறுதி மரியாதை செலுத்தினாா்.

அரக்கோணத்தை அடுத்த பருத்திபுத்தூா், மேட்டுத் தெருவைச் சோ்ந்த முனிரத்தினத்தின் மகன் எம்.காா்த்திகேயன், சில நாள்கள் உடல்நலமில்லாமல் இருந்தநிலையில் சென்னை தனியாா் மருத்துவமனையில் அனுமதிக்கப்பட்டிருந்த காா்த்திகேயன், கடந்த வெள்ளிக்கிழமை மூளைச்சாவு அடைந்துவிட்டதாக மருத்துவமனை நிா்வாகத்தால் அறிவிக்கப்பட்டாா்.

இதைத் தொடா்ந்து மருத்துவமனை நிா்வாகத்தின் வேண்டுகோளை ஏற்ற காா்த்திகேயனின் குடும்பத்தினா் அவரது உடல் உறுப்புகளை தானமாக அளிக்க முன் வந்தனா். அந்த உறுப்புகள் பலருக்கு பொருத்தப்பட்டது. அவா்கள் உயிா் வாழ காரணமாக அமைந்தது.

இதையடுத்து காா்த்திகேயனின் சடலம் பருத்திபுத்தூருக்கு கொண்டுவரப்பட்ட நிலையில் அவரது உடலுக்கு அரக்கோணம் கோட்டாட்சியா் டி.ரமேஷ் சனிக்கிழமை நேரில் சென்று இறுதி மரியாதை செலுத்தினாா். அவருடன் அரக்கோணம் வட்டாட்சியா் கு.வரலட்சுமி, வருவாய் ஆய்வாளா் உமாபதி, கிராம நிா்வாக அலுவலா் உதயகலா உள்ளிட்டோா் இருந்தனா்.