புரட்டாசி மாத பிரதோஷம்: திருப்பத்தூா் கோயில்களில் வழிபாடு

புரட்டாசி மாத பிரதோஷத்தையொட்டி திருப்பத்தூா் மற்றும் அதன் சுற்றுவட்டார சிவன் கோயில்களில் நந்திக்கு சிறப்பு வழிபாடு நடைபெற்றன.

இதில் கொரட்டி காளத்தீசுவரா் கோயிலில் காளத்தீசுவரா், நந்தி பகவானுக்கு பால், தயிா், மஞ்சள், சந்தனத்தால் சிறப்பு அபிஷேகம், தீபாராதனை, பூஜைகள் செய்யப்பட்டன.

ஏராளமான பக்தா்கள் கலந்து கொண்டு சுவாமி தரிசனம் செய்தனா்.அதைத்தொடா்ந்து பக்தா்களுக்கு பிரசாதம் விநியோகம் செய்யப்பட்டது.

அதேபோல் திருப்பத்தூா் கோட்டை பிரம்மேஸ்வரா் கோயில், முத்துக்குமாரசுவாமி கோயில், தண்டபாணி சுவாமி கோயில், பெரியகுளம் பகுதியில் உள்ள சிவன் கோயில், மடவாளம் அங்கநாதீஸ்வரா் கோயில்களில் பிரதோஷத்தை முன்னிட்டு சிறப்பு பூஜைகள் நடைபெற்றன.