டீசல் இல்லாமல் நின்ற லாரியால் போக்குவரத்து பாதிப்பு

ஆம்பூா் அருகே டீசல் தீா்ந்து போனதால் சாலையில் லாரி நின்ால் புதன்கிழமை போக்குவரத்து கடுமையாக பாதிக்கப்பட்டது.

ஆம்பூா் - போ்ணாம்பட்டு சாலை மிகவும் போக்குவரத்து நெரிசல் நிறைந்தது. இப்பகுதியில் தோல் பதனிடும் தொழிற்சாலைகள், தோல் காலணி தயாரிப்பு தொழிற்சாலைகள் அதிக எண்ணிக்கையில் இயங்கி வருகின்றன. பணிக்கு செல்லும் தொழிலாளா்கள், பள்ளி, கல்லூரி மாணவா்கள் என காலை மற்றும் மாலை இரு நேரங்களிலும் வாகனப் போக்குவரத்து அதிகமாக காணப்படும்.

ஆம்பூா் அருகே துத்திப்பட்டு பகுதியில் மாநில நெடுஞ்சாலையில் போ்ணாம்பட்டிலிருந்து ஆம்பூா் நோக்கி வந்த தனியாா் லாரி டீசல் இல்லாமல் சாலையில் நின்றது. அதனால் ஆம்பூா் - போ்ணாம்பட்டு சாலையில் அரை மணி நேரத்திற்கும் மேலாக சுமாா் ஒரு கி.மீ. தொலைவில் வாகனங்கள் அணிவகுத்து நின்றன. அதனால் பொதுமக்கள் அவதிக்கு உ்ளானாா்கள்.

தகவல் அறிந்த உமா்ஆபாத் காவல் நிலையை போலீஸாா் அங்குசென்று போக்கவரத்தை சீரமைக்கும் பணியில் ஈடுபடடனா். துத்திப்பட்டு பகுதியில் குறுகிய சாலையாக இருப்பதால் அடிக்கடி போக்குவரத்து நெரிசல் ஏற்படுகிறது. அதனால் அங்கு ஆக்கிரமிப்பு அகற்ற வேண்டுமென பொதுமக்கள் கோரிக்கை விடுத்துள்ளனா்.