செங்குன்றம் அருகே புதிய சாலைகள் தொடக்கம்

செங்குன்றம் அருகே சீரமைக்கப்பட்ட சாலைகளை சட்டப்பேரவை உறுப்பினரும், திமுக மாவட்டச் செயலருமான எஸ்.சுதா்சனம் ஞாயிற்றுக்கிழமை திறந்து வைத்தாா்.

பாடியநல்லூா் ஊராட்சியில் மகாலட்சுமி நகா், வீரவாஞ்சிநாதன் தெரு, லால் பகதூா் சாஸ்திரி தெரு, அம்பேத்கா் தெரு, ஆங்காடு உள்ளிட்ட பகுதிகளில் செப்பனிடப்பட்ட சாலைகள் தொடக்க விழா சோழவரம் ஒன்றியக் குழு துணைத் தலைவா் மீ.வே.கருணாகரன் தலைமையில் ஞாயிற்றுக்கிழமை நடைபெற்றது.

இதில், மாதவரம் எம்எல்ஏ எஸ்.சுதா்சனம் கலந்து கொண்டு, சாலைகள் மற்றும் புதிய கட்டடங்களைத் திறந்து வைத்தாா். மேலும், சாலையோர வியாபாரிகளுக்கு நிழற்குடைகளையும் அவா் வழங்கினாா்.