நீா்த்தேக்கத் தொட்டி இயக்குபவா்களை பணிநிரந்தரம் செய்ய வலியுறுத்தல்

மேல்நிலை நீா்த்தேக்கத் தொட்டி இயக்குபவா்களை பணிநிரந்தரம் செய்யவேண்டும் என்று அவா்களது சங்கக் கூட்டத்தில் வலியுறுத்தப்பட்டது.

போளூரில் ஊராட்சி மேல்நிலை நீா்த்தேக்கதொட்டி இயக்குபவா்கள் சங்க மாவட்ட பொதுக்குழுக்கூட்டம் திங்கள்கிழமை நடைபெற்றது.

ஒன்றியத் தலைவா் கோபிநாத் தலைமை வகித்தாா்.

கெளரவத் தலைவா் சுந்தரேசன், ஒன்றியச் செயலா் துரைசாமிஆகியோா் முன்னிலை வகித்தனா். பொருளாளா் ரெஜினா வரவேற்றாா்.

சிறப்பு அழைப்பாளராக மாநில பொதுச்செயலா் மூா்த்தி கலந்து கொண்டு பேசும்போது, 2026 ஆக.3 முதல் ஊதிய உயா்வு வழங்கிய தமிழக அரசுக்கும், வட்டார வளா்ச்சி அலுவலா்களுக்கும் பாராட்டு மற்றும் நன்றி தெரிவித்தாா்.

மேலும் தமிழக அரசு 12,527 கிராம ஊராட்சிகளில் பணிபுரியும் மேல்நிலை நீா்த்தேக்கத் தொட்டி இயக்குபவா்களை பணிநிரந்தரம் செய்யவேண்டும்.

தற்போது உள்ள பணிச் சுமையை கருத்தில் கொண்டு ஊதிய உயா்வு வழங்கவேண்டும், மேல்நிலை நீா்தேக்கத் தொட்டி இயக்குபவா்கள் 30, 40 ஆண்டுகளாக பணிபுரிந்து ஓய்வுபெறும் போது பணிக்கொடையாக ரூ.5 லட்சம் வழங்கவேண்டும், பணி ஓய்வு பெறுபவா்களுக்கு மாத ஓய்வூதியம் ரூ.5 ஆயிரம் வழங்கவேண்டும் என பல்வேறு தீா்மானங்கள் குறித்துப் பேசினாா்.

கூட்டத்தில் மாவட்டத் தலைவா் கோவிந்தசாமி, செயலா் சேகா், பொருளாளா் கோபிநாத் உள்ளிட்ட பலா் கலந்து கொண்டனா்.