பாலாற்றங்கரையில் ஆக்கிரமிப்பு அகற்றம்

விருதம்பட்டு பாலாற்றங்கரையில் ஆக்கிரமித்து கட்டப்பட்டிருந்த பகுதியை வேலூர் மாநகராட்சி அதிகாரிகள் வெள்ளிக்கிழமை இடித்து அப்புறப்படுத்தினர்.

பாலாற்றங்கரையின் ஒரு பகுதியை சிலர் ஆக்கிரமித்து

கழிப்பறை கட்டியிருப்பதோடு, மரம் வளர்ப்பதாகவும் மாநகராட்சி அதிகாரிகளுக்கு தகவல் கிடைத்தது. இதையடுத்து உதவி ஆணையர் மதிவாணன், நகரமைப்பு அலுவலர் ஜானகிராமன் தலைமையில் சம்பவ இடத்துக்குச் சென்ற மாநகராட்சி ஊழியர்கள் பொக்லைன் இயந்திரம் மூலம் ஆக்கிரமிப்பு செய்யப்பட்ட பகுதியை இடித்தனர். மேலும், அங்கிருந்த மரம், செடிகளை அப்புறப்படுத்தினர்.