தண்டவாளத்தைக் கடக்க முயன்ற முதியவர் மாரடைப்பால் சாவு

அதி வேகத்தில் சென்ற ரயிலால் அதிர்ச்சியடைந்த முதியவர் மாரடைப்பால் உயிரிழந்தார்.
வாணியம்பாடி அருகே அம்பலூர் பகுதியைச் சேர்ந்தவர் சின்னத்தம்பி (80). இவர், செவ்வாய்க்கிழமை இரவு வாணியம்பாடி அருகே தண்டவாளத்தைக் கடப்பதற்காக நின்று கொண்டிருந்தார். அப்போது, சென்னையில் இருந்து ஜோலார்பேட்டை நோக்கி அதி வேகத்தில் வந்த விரைவு ரயிலின் அதிர்வால் அவர் மாரடைப்பு ஏற்பட்டு மயங்கி விழுந்தார்.  அருகே இருந்தவர்கள் சின்னத்தம்பியை மீட்டு, வேலூர் அடுக்கம்பாறை அரசு மருத்துவமனைக்கு அனுப்பி வைத்தனர். அங்கு அவர் புதன்கிழமை இறந்தார். இதுகுறித்து ஜோலார்பேட்டை போலீஸார் வழக்குப் பதிவு செய்து விசாரித்து வருகின்றனர்.