கோவையில் 8 மாவட்ட ஆட்சியர்களுடன் தேர்தல் ஆணையர் நாளை ஆலோசனை

கோவை, அக். 8: கோவை மண்டலத்துக்கு உள்பட்ட 8 மாவட்டங்களில் உள்ளாட்சித் தேர்தல் நடத்துவது தொடர்பான ஆய்வுக் கூட்டம், கோவை ஆட்சியர் அலுவலகத்தில் மாநில தேர்தல் ஆணையர் சோ.அய்யர் தலைமையில் திங்கள்கிழமை (அக். 10) நடைபெறுகிறது.

 ÷இதுகுறித்து கோவை மாவட்ட ஆட்சியர் மு.கருணாகரன் வெளியிட்டுள்ள செய்தி: ÷கோவை மண்டலத்துக்கு உள்பட்ட கோவை, ஈரோடு, திருப்பூர், நீலகிரி, தருமபுரி, கிருஷ்ணகிரி, சேலம், நாமக்கல் ஆகிய 8 மாவட்டங்களில் உள்ளாட்சித் தேர்தல் நடத்துவது தொடர்பான ஆய்வுக் கூட்டம் கோவை ஆட்சியர் அலுவலகத்தில் நடைபெறுகிறது. தமிழ்நாடு மாநிலத் தேர்தல் ஆணையர் சோ.அய்யர் தலைமை வகிக்கிறார்.

 ÷இதில், மேற்கண்ட 8 மாவட்டங்களைச் சேர்ந்த மாவட்ட தேர்தல் அலுவலர்கள், மாவட்ட ஆட்சியர்கள், கோவை, திருப்பூர், ஈரோடு மாநகராட்சி ஆணையர்கள், காவல்துறை மேற்கு மண்டலத் தலைவர், மாநகர காவல் ஆணையர், மாவட்ட காவல் கண்காணிப்பாளர்கள் பங்கேற்கின்றனர்.