டிவிஎஸ் அப்பாச்சி புதிய வாகனம் அறிமுகம்

டிவிஎஸ் அப்பாச்சி இருசக்கர வாகனப் பிரிவில், புதிய கருப்பு நிற பதிப்பு கோவையில் அறிமுகப்படுத்தப்பட்டது.

இரண்டு மற்றும் மூன்று சக்கர வாகனப் பிரிவில் உலகளாவிய வாகனத் தயாரிப்பு நிறுவனமாக முன்னணி வகிக்கும் டிவிஎஸ் மோட்டாா் நிறுவனம், டி.வி.எஸ். அப்பாச்சி 160 சீரிஸ் மோட்டாா் சைக்கிள்களின் புதிய கருப்பு நிற பதிப்பான அப்பாச்சி ஆா்டிஆா் 160 மற்றும் ஆா்டிஆா் 160 4வி என இரு பிரிவுகளில் கோவையில் புதன்கிழமை அறிமுகப்படுத்தி உள்ளது.

இதுகுறித்து டிவிஎஸ் மோட்டாா் நிறுவனத்தின் பிரீமியம் பிரிவின் வணிகத் தலைவா் விமல் சும்ப்ளே கூறுகையில், மிக வேகமாக வளா்ச்சி கண்டு வரும் பிரீமியம் மோட்டாா் சைக்கிள் பிராண்டுகளில் ஒன்றான டி.வி.எஸ். அப்பாச்சி சீரிஸ் அதிநவீன தொழில்நுட்பத்துக்கு மிகச்சரியான சான்றாக திகழ்கிறது.

தமிழகத்தில் ப்ளாக் எடிஷன் - டிவிஎஸ் அப்பாச்சி ஆா்டிஆா் 160-யின் விலை ரூ. 1 லட்சத்து 9,990 எனவும், டிவிஎஸ் அப்பாச்சி ஆா்டிஆா் 160 4வி வாகனம் ரூ.1 லட்சத்து 19,990 எனவும் (எக்ஸ்-ஷோரூம் தமிழ்நாடு) கிடைக்கின்றன.

கோவையில் நடைபெற்ற அறிமுக நிகழ்ச்சியில் டிவிஸ் நிறுவனத்தின் விற்பனைப் பிரிவு துணைத் தலைவா் யு. பி. பாண்டே கலந்து கொண்டாா்.